Tógadh 36,284 áras cónaithe sa Stát anuraidh, ar méadú de 20.4% é sin ó 2023, de réir figiúirí nua ón bPríomh-Oifig Staidrimh.
Tá na figiúirí nua níos airde ná mar a cheap go leor eacnamaithe a bheadh.
Go deimhin, seo an líon is mó áras cónaithe a tógadh in aon bhliain ó tosaíodh ag cur na bhfigiúirí i dtoll a chéile in 2011.
Tá an Rialtas éirithe as sprioc bhliantúil a leagan amach maidir le tógáil tithe agus ina ionad sin tá sé mar aidhm acu, a deir siad, 300,000 áras cónaithe a thógáil idir 2025 agus deireadh 2030.
Mar sin féin, an t-am seo anuraidh, leag an Rialtas amach sprioc de 41,000 áras cónaithe le haghaidh 2025.
Creidtear, áfach, gur nach mór idir 50,000 agus 60,000 áras cónaithe a thógáil gach aon bhliain le freastal ar an éileamh.
Nuacht agus Cúrsaí Reatha RTÉ