Bhí báisteach throm in oirdheisceart na tíre aréir.
Tá na fuarlaigh ansin méadaithe dá réir.
Tá an drochaimsir ina chionsiocair le bóithre a bheith dúnta.
Tá go leor tithe cónaithe agus gnóluchtai buailte ag an mbáisteach seo freisin.
Cuid de dheisceart Loch Garman is measa atá buailte a deirtear.
Tá tuilte i go leor sealúchas i mBaile an Droichid.
Dúnadh ceantar na gcéanna in Inis Córthaidh ar feadh tamaill aréir ach tá sé oscailte anois arís don trácht.
I gContae Chill Chainnigh bhris aibhneacha na Beara agus na Feorach a gcuid bruacha agus chothaigh sé seo cuid fadhbanna d'áitritheoirí agus lucht gnó sa chontae sin.
Tá Comhairle Contae Cheatharlach ag obair go dian le háiteanna ansin thart ar bhaile Cheatharlach a choinneáil slán.
Tá fadhbanna móra freisin le tuilte i gCathair agus i gContae Phort Láirge ar maidin.