Tá fear sna caogadaí tar éis bháis de bharr an ionsaithe a rinneadh air go moch ar maidin inniu.
Tharla an t-ionsai i dtuaisceart chathair Bhaile Átha Cliath go gairid roimh leathuair tar éis a 1.
Glaodh amach ar na gardaí agus na seirbhísí éigeandála chuig láthair an ionsaithe ar Ardán Foster i nDroim Chonrach i mBaile Átha Cliath 3.
Fuarthas an fear ansin agus drochghortuithe faighte aige.
Fógraíodh a bhás ar an láthair.
Bhí beirt bhan sa teach freisin a d'fhulaing mionghortuithe.
Tugadh iadsan chuig an ospidéal ach tuigtear nach bhfuil siad i mbaol báis.
Déanfar scrúduithe iarbháis agus dlíeolaíoch níos deireanaí.
Tá na gardaí ag iarraidh ar aon duine a mbeadh aon eolas acu faoinar tharla nó a chonaic tada a theacht chun cinn.