Tá seans go dtabharfaidh Uachtarán na Stát Aontaithe Donald Trump cuairt ar Éirinn mí Mheán Fómhair rith Craobhchomórtas Oscailte Gailf na hÉireann.
Sin é a dúirt Ambasadóir SAM go hÉirinn, Edward Walsh le hócáid tráchtála i mBaile Átha Cliath.
Den chéad uair beidh an craobhchomórtas ar bun in ionad gailf an Trump International ar an Dún Beag i gCo. an Chláir, idir an 10 agus an 13 Meán Fómhair.
San óstán ag an ionad sin a d'fhan Donald Trump nuair a thug sé cuairt oifigiúil ar Éirinn i 2019 i rith a chéad théarma sa Teach Bán, ionad a cheannaigh sé i 2014.
Idir an dá linn, buailfidh an Taoiseach Micheál Martin leis an Uachtarán Trump an mhí seo chugainn nuair a bheidh sé ar cuairt ar Washington d'imeachtaí Lá 'le Pádraig.
Deis é, a deir an Taoiseach, chun an caidreamh stairiúil agus gnaíúil idir an dá thír a cheiliúradh.
Ach, ina ainneoin sin agus an cruinniú bheith ina thraidisiún bliantúil anois, beidh an droch-chaidreamh idir rialtas Trump agus an tAontas Eorpach faoi láthair mar chúlbhrat teann leis an ócáíd.