Tá fear sna daichidí gafa ag na Gardaí i gcathair Chorcaí maidir le marú fir 31 bliain d'aois a sádh ansin tráthnóna Dé Luain seo caite.
Tuigtear gur sádh an fear i siopa nó gar do shiopa i gceantar Chearnóg an Chnapaigh i dtuaisceart na cathrach.
Chuaigh sé ar ais chuig a árasán ar Ché Uí Chearúill ach fuair sé bás ansin go gairid ina dhiaidh sin.
Ba de bhunadh na hÚcráine an fear agus bhí sé ina chónaí in Éirinn ó bhí sé ina pháiste.
Níl ráite faoin bhfear a gabhadh inniu ach go bhfuil sé á cheistiú i stáisiún Gardaí i gcathair Chorcaí.
Nuacht agus Cúrsaí Reatha RTÉ