Tá an tAire Gnóthaí Eachtracha Helen McEntee ag iarraidh ar a comhairí i mballstáit eile an Aontais Eorpaigh comhaontú idir an tAontas agus Iosrael a chur ar fionraí, nó an chuid sin den chomhaontú a bhaineann le cúrsaí trádála ar an gcuid is lú de.
Tá na hairí leis an gcúis a phlé i gcruinniú i Lucsamburg inniu.
D'iarr Éire agus an Spáinn athbhreithniú a dhéanamh ar an gcomhaontú in 2024 ach chuir ballstáit atá fabhrach d'Iosrael ina aghaidh ag an am.
In athbhreithniú a rinneadh ar an gcomhaontú anuraidh, dúradh gur doichí go raibh a cuid oibleagáidí sáraithe ag Iosrael ó thaobh cúrsaí cearta daonna de de réir théarmaí an chomhaontaithe.
Níor cuireadh an comhaontú ar fionraí ag an am, ámh, mar gur gheall Iosrael tuilleadh soláthairtí daonnúla a ligean isteach in Gaza.
Breathnófar ar an ngné sin den scéal an athuair sa chruinniú inniu, go háirithe tar éis d'Iosrael pionós an bháis a thabhairt isteach agus cead a gcinn a thabhairt d'áitritheoirí antoisceacha sa Bhruach Thiar agus ionradh a dhéanamh ar an Liobáin arís.
Roimh an gcruinniú i Lucsamburg, dúirt Helen McEntee go gcaithfeadh na ballstáit seasamh le suáilcí bunúsacha an Aontais Eorpaigh.
Nuacht agus Cúrsaí Reatha RTÉ