Tugadh fear 51 bliain d'aois os comhair Chúirt Dúiche Mhainistir na Corann i gCo Chorcaí inniu agus é cúisithe i gcosc a chur ar leoraí dul chun bóthair ag scaglann ola an Gheata Bháin sa chontae sin níos túisce an mhí seo.
Sin é Ivor Sweeney, as Lóiste na Cúile Báine, Bóthar na Béillice, i Mainistir na Corann, a bhfuil sé curtha ina leith go ndeachaigh sé sa bhealach ar an leoraí, agus ar thrácht eile bóthair, nuair a chuaigh sé suas ar dhíon an leoraí ag agóid faoi chostas breosla a bhí ar siúl taobh amuigh den scaglann.
Ní dhearna Ivor Sweeney aon phléadáil sa chúirt innu.
Cheadaigh an Breitheamh Colm Roberts bannaí don chúisí agus d'ordaigh sé dó teacht os comhair na cúirte arís ar an 11 Meitheamh.
Nuacht agus Cúrsaí Reatha RTÉ