Beidh 31 iarrthóir sa iomaíocht don dá shuíochán atá fágtha gan Teachta Dála de bharr beirt a d'eirigh as an bpolaitíocht anuraidh.
Ag a 12 inniu a tháinig an tréimhse aimniúcháín chun críche d'iarrthóir i nGaillimh Thiar agus Baile Átha Cliath Láir.
17 nduine a bheidh sa tóir ar an suíochán a d'fhág Catherine Connolly ina diaidh nuair a toghadh í ina hUachtarán ar Éirinn. Tá deichniúr díobh sin ag seasamh ar son pháirtithe polaitíochta agus seachtar ina neamhspleáigh nó ina n-iarrthóirí neamhpháirtí..
14 dhuine a bheidh in aghaidh a cheie don suíochán a d'fhág Paschal Donohoe nuair a d'fhág seisean an pholaitíocht le bheith ina bhainisiteoir stiúrthta ar an mBanc Domhanda. Beidh iarrthóir ag formhór na bpáirtithe sa Dáil chomh maith le seisear ar neamhspleáigh nó iarrthóirí neamh-pháirtí iad.
Tá 21 lá idir seo agus lá na vótála, Dé hAoine an 22 Bealtaine, agus beidh feachtais na n-iarrthóirí ag dul i dtreis ón deireadh seachtaine seo i leith.
Beidh óna 7 ar maidin go dtína 10 tráthnóna ag vótóirí an dá Dháilcheantar a dtionchar a imirt ar an chéad bheirt eile a bheidh ag déanamh a mbealach chuig Sráid Chill Dara.