Tá chuile chosúlacht air go bhfuil an sos cogaidh a socraíodh idir an Iaráin agus Meiriceá i mbaol.
Tá an dá thaobh ag cur an mhilleáin ar a chéile anois go bhfuil an socrú síochána á shárú acu i dtaca le Caolas Hormuz.
Dúirt urlabhraí ón Pentagaon go dtáinig cabhlach na Stát Aontaithe faoi ionsaí ó dhróin agus ó dhiúracáin de chuid na hIaráine i réigiún an chaolais.
D'admhaigh sé ansin gur scaoil an chabhlach ar ais le láithreacha de chuid na hIaráine.
Maíonn na hIaránaigh áfach gurbh iad na Meiriceánaigh a scaoil ar dtús.
Tá Uachtarán Mheiriceá Donald Trump ag maíomh go bhfuil an sos cogaidh fós i bhfeidhm.