Folúntais

Bainisteoir TF – Riarachán Córas

Conradh Buan

Is mian le TG4 Bainisteoir TF – Riarachán Córas a earcú a bheidh lonnaithe i gCeanncheathrú TG4 i nGaeltacht na Gaillimhe. Ag tuairisciú don Stiúrthóir Teicneolaíochta, cuirfidh an té a bheidh sa ról seo seirbhísí tacaíochta teicniúla agus deisce cabhrach ar fáil do chórais TF TG4.

Is fostóir comhdheiseanna é TG4 agus déantar iarratais incháilithe a mheas beag beann ar inscne, gnéaschlaonadh, aois, stádas sibhialta, cine agus eitneacht, míchumas, stádas teaghlaigh, creideamh ná ballraíocht den Lucht Siúil. Tá dearcadh dearfach ag TG4 i leith na héagsúlachta. Cuirimid fáilte roimh iarratais ó dhaoine ó chúlraí éagsúla. Tacaíonn TG4 le fostú daoine faoi mhíchumas.
 
An Ról

Beidh deis ag an iarrthóir rathúil don ról seo príomhstraitéisí TF a mhúnlú agus a stiúradh laistigh de TG4. Oibreoidh siad i dtimpeallacht chomhoibríoch thacúil foirne agus gheobhaidh siad léargas ar theicneolaíochtaí spreagúla, córais a thacaíonn le hoibríochtaí craolta agus meán ina measc.

Áireofar ar dhualgais an róil sin na cúraimí seo a leanas, ach ní bheidh sé teoranta dóibh:

• Ár bhfoireann inmheánach TF a threorú agus a bhainistiú, agus cultúr den nuálaíocht, comhar agus cuntasacht a chothú.
• Polasaí cibearshlándála a mhúnlú agus a chur i bhfeidhm – lenár gcórais agus ár sonraí a chosaint.
• Ár dtimpeallacht Microsoft 365 a riaradh – dea-chleachtais rialachais a chinntiú.
• Ár mbogearraí ar an láthair agus néalbhunaithe a mhaoirsiú – sláine agus feidhmíocht an chórais a chothabháil.
• Tacú lenár n-imscaradh bogearraí mar sheirbhís, agus ard-infhaighteacht agus iontaofacht a chinntiú.
• Active Directory agus Aitheantas Entra a bhainistiú, aitheantas agus rialú rochtana a láimhseáil.
• Páirt a ghlacadh i dtionscadail infreastruchtúir líonra inmheánacha, ag cuidiú le réitigh inscálaithe a dhearadh agus a chur in úsáid.
• Rialacha agus polasaithe ballaí dóiteáin a mhaoirsiú, agus slándáil agus comhlíontacht líonra a chinntiú.
• Straitéisí cúltaca agus polasaithe cosanta sonraí a fhorbairt agus a choinneáil.
• Cur i bhfeidhm polasaí maidir le húsáid sonraí agus ríomhairí a mhaoirsiú.
• Cláir oiliúna TF a fhorbairt agus a stiúradh don fhoireann agus comhoibriú leis an Rannóg Acmhainní Daonna chun feasacht agus comhlíontacht a mhéadú.
• Cabhrú le nósanna imeachta oibriúcháin caighdeánacha TF (SOPanna) agus doiciméadacht a fhorbairt.
• Tacú le bainistiú paistí, próisis bainistithe athruithe agus ard-infhaighteacht infreastruchtúir chriticiúil a chinntiú.
• Aon fhreagrachtaí réasúnta eile a mheasann an Stiúrthóir bunaithe ar riachtanais an ghnó.

 
Riachtanais an Phoist:

• Cáilíocht Leibhéal 8 nó níos airde in Eolaíocht Ríomhaireachta, Teicneolaíocht Faisnéise nó i réimse gaolmhar.
• Trí bliana taithí ar a laghad i ról riaracháin TF, laistigh d’fhiontar bheag nó mheánmhéide (FBM) nó níos mó.
• Taithí láidir phraiticiúil ar Active Directory, Entra ID agus Intune.
• Sárscileanna cumarsáide agus meon réamhghníomhach atá dírithe ar réitigh.
• Tuiscint láidir ar dhea-chleachtais rialachais TF, teicneolaíochtaí néalríomhaireachta, agus cibearshlándála.

 
Is í an Ghaeilge teanga oibre TG4. Is riachtanas é go mbeifeá sásta an Ghaeilge a fhoghlaim agus a chleachtadh san ionad oibre agus cuirfear ceachtanna ar fáil nuair is gá.

Tá polasaí oibre solúbtha i bhfeidhm i TG4.

5pm, Dé Luain an 1 Meán Fómhair 2025 an dáta deiridh a nglacfar le hiarratais. Seol d’iarratas mar aon le litir chumhdaigh chuig cv@tg4.ie
 
 
Eolas Breise don Iarratasóir

Grád an Phoist: Grád 3

Uaireanta Oibre:
39 uair sa tseachtain. Mar gheall ar riachtanais an phoist, táthar ag súil le solúbthacht ó am go ham, lena n-áirítear obair lasmuigh d’uaireanta oifige, roinnt deireadh seachtaine agus laethanta saoire bainc.

Laethanta Saoire:
Chomh maith leis na laethanta saoire bainc reachtúla, beidh tú i dteideal 23 lá de shaoire íoctha in aghaidh na bliana.

Pinsean:
Tá baill foirne TG4 i dteideal dul isteach i nGrúpscéim Pinsin TG4 faoi réir théarmaí aon scéime atá ann cheana.

Taisteal:
Seans go mbeidh taisteal i gceist ó am go ham mar chuid den ról, in Éirinn agus thar lear.

Buntáistí Eile le bheith ag obair le TG4:

• Deiseanna Oiliúna agus Forbartha
• Saoire Staidéir agus Scrúduithe
• Táillí Ballraíochta Gairmiúla
• Pinsean Ranníocach
• Clár Cúnaimh d’Fhostaithe
• Scéim na Rothar chun Oibre

Teideal an Phoist: Bainisteoir Forbartha Gnó, Post TV

Áit: Baile Átha Cliath, Eire (Roghanna oibre hibrideacha ar fáil)

Maidir le Post TV (Business Post Group)

Is é Post TV an teach díolacháin meán atá faoi chonradh le seirbhís díolachán fógraíochta a chuir ar fáil do TG4, Féachann PostTV le le brandaí a nascadh le lucht féachana TG4 agus réitigh fógraíochta nuálacha éifeachtacha a sholáthar dár gcliaint ar fud ardán uile TG4.

An Deis:

Táimid ag lorg Bainisteoir Forbartha Gnó, duine ardspreagtha atá dírithe ar thorthaí a bhaint amach. Is iontach an deis í seo do dhuine uaillmhianach chun príomhról a bheith aige i bhfás agus i rath leanúnach Post TV. Beidh tú freagrach as comhpháirtíochtaí fógraíochta nua a aithint agus a fháil trí chliaint dhíreacha tráchtála agus rialtais, caidrimh láidre a chothú, agus fás ioncaim a bhrú chun cinn do TG4 ar fud na sruthanna ioncaim go léir.

Príomhfhreagrachtaí:

• Cliaint fógraíochta dhíreacha nua a aithint, a chuardach agus a fháil trasna earnálacha éagsúla.
• Caidrimh láidre fadtéarmacha a fhorbairt agus a chothú le príomhchliaint dhíreacha.
• Réitigh fógraíochta tarraingteacha a chur i láthair atá saincheaptha do riachtanais na gcliant, ag baint úsáid as léargais ilchineálach TG4 i dtaobh clársceidealaithe agus an lucht féachana.
• Birt fógraíochta dhíreacha/praghsáil a idirbheartú agus a shocrú de réir na méadracha comhaontaithe, agus ailíniú le cuspóirí ama craolta agus spriocanna ioncaim á chinntiú.
• Comhoibriú go dlúth leis na foirne tráchta agus ama craolta chun feachtais chomhtháite a chur ar bun de réir pharaiméadair chomhaontaithe na mbeart.
• Fanacht ar an eolas faoi threochtaí tionscail, gníomhaíochtaí iomaitheoirí, agus deiseanna margaidh.
• Tuarascálacha rialta a ullmhú agus a chur i láthair ar fheidhmíocht díolacháin, léargais mhargaidh, agus straitéisí don todhchaí.
• Ionadaíocht a dhéanamh do Post TV ag imeachtaí tionscail agus ag deiseanna líonraithe.

A Bhfuil Uainn:

• Cuntas teiste cruthaithe ratha i bhforbairt gnó, díolacháin, nó bainistiú cuntas sa tionscal meán, fógraíochta, nó craolacháin (7+ bliain taithí ar a laghad más féidir).
• Taithí léirithe ar spriocanna díolacháin a bhaint amach agus a shárú.
• Sár-scileanna cumarsáide, idir scileanna scríofa agus scileanna ó bhéal.
• Tá an cumas sonraí uimhriúla a thuiscint, a léirmhíniú agus a anailísiú fíor-riachtanach don ról seo.
• Tuiscint láidir ar thírdhreach na meán agus ar ghnó na fógraíochta in Éirinn.
• Cumas dáimh a chothú go héasca le cliaint.
• Duine treallúsach a bhfuil cur chuige réamhghníomhach dúthrachtach aige i leith díolachán agus forbairt gnó, duine ar ball foirne é.
• Duine atá an-eagraithe ag a bhfuil sár-scileanna bainistíochta ama agus a dhéanann an-chúram de mhionsonraí.
• Is mór an buntáiste é paisean do na meáin agus meas ar an nGaeilge agus ar chultúr na hÉireann.
• Tá líofacht sa Ghaeilge an-inmhianaithe.

An Méid a Chuirfimid ar Fáil:

• Tuarastal iomaíoch agus scéim bónais a bhaineann le feidhmíocht/pinsean cuideachta.
• Deis a bheith ag obair le branda mór sna meáin Ghaeilge a bhfuil lucht féachana uathúil aige.
• Timpeallacht foirne bheomhar thacúil.
• Roghanna oibre hibrideacha.
• Forbairt ghairmiúil leanúnach.
• An deis fíorthionchar a imirt ar fhás ioncaim Post TV agus TG4.

Chun Iarratas a Dhéanamh:

Déan do CV agus litir chumhdaigh, ina léirítear do thaithí ábhartha agus ina mínítear an fáth gur tusa an t-iarrthóir ceart don ról seo, a sheoladh ar aghaidh chuig amillington@posttv.ie faoi Dé Máirt, an 30 Meán Fómhair.
Is Fostóir Comhdheiseanna é Post TV. Fáiltímid roimh iarratais ón uile dhuine cuí-cháilithe.

• Barr ^