Folúntais
Stiúrthóir Ábhair
Conradh ar théarma seasta 7 mbliana
Is mian le TG4 Stiúrthóir Ábhair ar chonradh ar théarma seasta seacht mbliana a earcú. Ag freagairt don Ard-Stiúrthóir, beidh an Stiúrthóir Ábhair i bhfeighil straitéis ábhair TG4 a stiúradh agus a chur i bhfeidhm de réir straitéis TG4, riachtanais an lucht féachana agus riachtanais sceideal ar gach ardán. Beidh an Stiúrthóir Ábhair i bhfeighil fhoireann ábhair TG4 agus beidh an té a cheapfar ina bhall d’fhoireann ardbhainistíochta TG4.
Is craoltóir náisiúnta teilifíse Gaeilge é TG4 atá lonnaithe i mBaile na hAbhann, Co. na Gaillimhe. Is craoltóir-foilsitheoir seirbhíse poiblí é TG4 a fhaigheann formhór a ábhair ó earnáil na léiritheoirí neamhspleácha, ábhar a bhfuil duaiseanna agus gradaim go leor buaite aige. Tá ábhar TG4 ar fáil ar gach ardán teilifíse ar fud na hÉireann, ar fud an domhain ar an idirlíon agus ar ardáin dhigiteacha.
Is í an Ghaeilge teanga oibre TG4 agus mar sin is riachtanas é go mbeadh Gaeilge den scoth ag an té a cheapfar, idir labhairt agus scríobh na teanga. Is fostóir comhdheiseanna é TG4 agus déanfar iarratais incháilithe a mheas beag beann ar inscne, gnéaschlaonadh, aois, taithí shóisialta, cine agus eitneacht, éagumas, stádas sibhialta an teaghlaigh, creideamh nó ar duine den Lucht Siúil atá i gceist. Tá TG4 i bhfabhar na héagsúlachta. Fáilteoidh muid roimh iarratais ó dhaoine ó chúlraí éagsúla.
Beidh an post seo lonnaithe i gceannáras TG4 i mBaile na hAbhann, Co. na Gaillimhe agus tá polasaí solúbtha oibre i bhfeidhm ag TG4.
Eolas faoin bPost
Deis ar leith é seo chun duine a bhfuil ardchumas cruthaitheachta agus eagarthóireachta ann a cheapadh ar fhoireann shinsearach TG4 chun straitéis ábhair chruthaithigh TG4 a threorú agus a chur i bhfeidhm. Beidh an té a cheapfar freagrach as straitéis ábhair dhána, éagsúil agus nuálach, a fhreastalaíonn ar lucht féachana na Gaeilge ar fud an domhain sa ré ilardán seo, a chur i bhfeidhm.
Beidh fís chruthaitheach ag an té a cheapfar chun ábhar a choimisiúnú trasardáin, ag cinntiú go mbeidh ról ar leith TG4 mar mheán seirbhíse poiblí na Gaeilge i réim i margadh domhanda na meán. Beidh sárthuiscint ag an iarrthóir ar nósanna agus ar mhianta an lucht féachana atá ag athrú agus ar na dúshláin atá ann lucht féachana a mhealladh sa ré dhigiteach.
Ceannaire a bhfuil cur chuige cruthaitheach spreagúil aige, mar aon le scileanna idirphearsanta den scoth, atá á lorg don ról seo. Ní mór taithí i ról bainistíochta, ar chomhpháirtíochtaí agus idirbheartaíochtaí a bhainistiú agus ar chumasú foirne a bheith ag an iarrthóir. Cuirfidh an t-iarrthóir timpeallacht mhaith oibre chun cinn i measc na foirne agus san earnáil léiriúcháin chun tallann nua a chothú agus a chumasú.
Beidh tuiscint ag an iarrthóir ar shonraí atá bunaithe ar fhianaise a úsáid, ina measc, léargais lucht féachana trasardáin a úsáid chun tacú leis an bpróiseas cinnteoireachta maidir leis an straitéis coimisiúnaithe agus maidir le branda TG4 a fhorbairt agus a lucht féachana a fhás.
Beidh eolas ag an té a cheapfar ar an gcaoi is fearr le hairgead poiblí a úsáid chun spriocanna cruthaitheacha TG4 a bhaint amach. Beidh taithí mhór ag an iarrthóir ar ábhar a léiriú agus a choimisiúnú mar aon le dea-cháil ar an té sin san earnáil léiriúcháin agus craoltóireachta nó i réimse inaistrithe eile.
Beidh an té a cheapfar freagrach as an obair seo a leanas maille le cúraimí eile:
- Straitéis ábhair TG4 a fhorbairt don ré ilardáin i gcomhar leis an Ard-Stiúrthóir agus na foirne ábhair agus lucht féachana i gcomhthéacs straitéis TG4.
- An próiseas coimisiúnaithe ábhair a threorú agus a chur i gcrích ar ardchaighdeán.
- Cultúr cruthaitheach agus smaointeoireachta cruthaithí a chumasú sa rannóg ábhair agus le páirtithe leasmhara san earnáil léiriúcháin agus eile.
- Cur le Branda TG4 trí threoir chruthaitheach a thabhairt ar ábhar atá á léiriú do TG4.
- Beidh sé de chúram ar an té a cheapfar croíluachanna TG4 a chur chun cinn: Is iad sin an Ghaeilge, Ceangal, Cruthaitheacht, Nuálaíocht, Comhoibriú agus Obair Foirne, Solúbthacht, Ionracas agus Freagracht agus Seirbhís ar ardchaighdeán a chur ar fáil don lucht féachana.
- Timpeallacht oibre a chur ar fáil ina spreagtar an obair chruthaitheach is fearr.
- Cinntí stuama agus cruthaitheacha a ghlacadh nuair is gá, a mbeidh fíricí agus fianaise mar thacaíocht acu, ag glacadh gnéithe éagsúla chun leasa TG4 agus an lucht féachana san áireamh.
- Caidrimh TG4 leis an earnáil neamhspleách léiriúcháin a bhainistiú agus a fhorbairt i gcomhthéacs na comhpháirtíochta.
- A chinntiú go gcuireann TG4 próiseas coimisiúnaithe ábhair atá cothrom agus éifeachtach i bhfeidhm chun an t-ábhar is fearr agus is féidir a chur ar fáil don lucht féachana.
- A chinntiú go gcuireann TG4 próiseas comhlíontachta ábhair atá éifeachtach i bhfeidhm chun ábhar comhlíontach a chur ar fáil don lucht féachana.
- Treoir eagarthóireachta a thabhairt don fhoireann ábhair nuair a theastaíonn sin
- Treoir i dtaobh comhlíontacht ábhair a thabhairt don Eagarthóir Comhlíontachta Coimisiúnaithe nuair a theastaíonn sin.
- Cumas agus scileanna cruthaitheacha na foirne a fhorbairt.
- Caidrimh a bhunú agus deiseanna comhoibrithe a lorg le comhpháirtithe náisiúnta agus idirnáisiúnta bunaithe ar spriocanna lucht féachana TG4.
- Idirbheartaíocht a dhéanamh le heagrais éagsúla nuair is gá
- A chinntiú go bhfuil cumarsáid mhaith idir baill foirne agus go bhfuil eolas á roinnt go héifeachtach i measc d’fhoirne féin agus le comhbhainisteoirí agus comhghleacaithe.
- Comhoibriú leis an ardbhainistíocht maidir le hobair na heagraíochta agus leis an obair a bhíonn ar bun le heagraíochtaí eile.
Nithe atá riachtanach don phost seo. Ní foláir:
- Taithí mhór a bheith agat ar choimisiúnú, eagarthóireacht nó léiritheoireacht ag leibhéal sinsearach maidir leis na meáin chraolta nó meáin eile.
- Cur chuige straitéiseach a úsáid i leith do chuid oibre.
- A bheith dírithe ar an todhchaí, agus a bheith sásta glacadh le bealaí nua smaointeoireachta chun lucht féachana nua a mhealladh.
- Taithí chruthaithe a bheith agat ar bheith ag bainistiú foirne, ag déanamh idirbheartaíochta agus ag plé le páirtithe leasmhara agus le comhpháirtithe ar leibhéal sinsearach.
- Sárthuiscint agus taithí an-mhaith a bheith agat ar ardáin dhigiteacha.
- Tuiscint mhaith a bheith agat ar chearta ábhair sa ré ilardán
- Go mór ar son na féinfhorbartha agus na féinfhoghlama agus bíonn cothrom le dáta maidir le forbairtí agus taighde a bhaineann le hearnáil na meán.
Éireoidh leat sa ról seo más duine tú atá ábalta oibriú go muiníneach, go solúbtha agus go héifeachtach as do stuaim féin i dtimpeallacht spreagúil.
Seol litir iarratais chomh maith le cáipéis (2 leathanach) ina léirítear an uaillmhian atá agat don phost Stiúrthóir Ábhair chuig cv@tg4.ie nó chuig Oifig an Ard-Stiúrthóra, TG4, Baile na hAbhann, Co. na Gaillimhe, H91 X4T0, roimh 4pm Dé hAoine an 14 Samhain 2025.
Eolas Breise don Iarratasóir
Grád an Phoist: Grád 1
Uaireanta Oibre:
39 uair sa tseachtain. Mar gheall ar riachtanais an phoist, táthar ag súil le solúbthacht ó am go ham, lena n-áirítear obair lasmuigh d’uaireanta oifige, roinnt deireadh seachtaine agus laethanta saoire bainc.
Laethanta Saoire:
Chomh maith leis na laethanta saoire bainc reachtúla, beidh tú i dteideal 25 lá de shaoire íoctha in aghaidh na bliana.
Pinsean:
Tá baill foirne TG4 i dteideal dul isteach i nGrúpscéim Pinsin TG4 faoi réir théarmaí aon scéime atá ann cheana.
Taisteal: Beidh taisteal i gceist ó am go ham mar chuid den ról, in Éirinn agus thar lear.
Buntáistí eile a bhaineann le bheith ag obair i TG4:
| · Deiseanna Oiliúna agus Forbartha
· Saoire Staidéir agus Scrúduithe · Pinsean Ranníocach · An Clár Cúnaimh d’Fhostaithe · An Scéim um Rothaíocht chun na hOibre |
Eagarthóir Meán Sóisialta
Conradh Buan
Cuirfidh TG4 fáilte roimh iarratais don phost Eagarthóir Meán Sóisialta ar bhonn buan.
Beidh an té a cheapfar ar dhuine d’Fhoireann Chumarsáide TG4 agus iad freagrach as comhordú agus bainistiú a dhéanamh ar ardáin Meán Sóisialta TG4.
Is deis tábhacht iad na Meáin Shóisialta do TG4 chun nascadh a dhéanamh leis an bpobal féachana agus le pobal nua a mhealladh chuig ábhar TG4. Cuirfear fáilte roimh iarrthóirí a bhfuil tuiscint acu ar TG4, sainscil agus taithí acu ar na hardáin Shóisialta, agus Gaeilge & Béarla den scoth acu (labhartha & scríofa).
Is fostóir comhdheiseanna é TG4 agus déanfar iarratais incháilithe a mheas beag beann ar inscne, gnéaschlaonadh, aois, taithí shóisialta, cine agus eitneacht, éagumas, stádas sibhialta an teaghlaigh, creideamh nó ar duine den Lucht Siúil atá i gceist. Tá TG4 i bhfabhar na héagsúlachta. Fáilteoidh muid roimh iarratais ó dhaoine ó chúlraí éagsúla.
An Ról
Beidh an té a cheapfar freagrach as eagarthóireacht a dhéanamh ar Mheáin Shóisialta TG4 lena n-áirítear Instagram, TikTok, BlueSky, Facebook, LinkedIn, YouTube agus aon ardán eile de réir riachtanais TG4. I measc na gcúraimí a bheidh i gceist, beidh
- Glór TG4 ar na meáin shóisialta a fhorbairt ag luí le Branda TG4.
- Foilsiú: Bainistiú agus riaradh a dhéanamh ar fhéilire Meáin shóisialta TG4.
- Optamú: taithí ar ábhar sóisialta a optamú chun an lucht féachana is mó a aimsiú.
- Feachtais mhargaíochta do na meáin shóisialta a fhorbairt agus a sceidealú.
- Cóip-scríobhnóireacht: sár scileanna scríofa Gaeilge agus Béarla.
- Cumarsáid, comhrá, agus aiseolas a thabhairt don phobal.
- Tuairisciú: Anailís a dhéanamh ar fheachtais agus tuairiscí a ullmhú.
- Bainistiú ar fheachtais íoctha ar na meáin shóisialta.
- Ceannaireacht a thógáil ar riaradh na n-árdán sóisialta.
- Tuiscint ar na hathruithe a thagann ar na hardáin shóisialta agus na hathruithe sin a chur i bhfeidhm ar ardáin TG4.
Nithe atá riachtanach don phost seo:
- A bheith tiomanta Fís, Misean agus Straitéis TG4 a chur i bhfeidhm.
- Sárthuiscint ar TG4 agus a lucht féachana.
- Taithí phraticiúil i margaíocht dhigiteach agus i mbainisitíocht ar na hardáin shóisialta.
- Taithí ar Meta Business Suite / Ads Manager
- Taithí ag cruthú féilirí Meán Sóisialta, ag foilsiú ábhair agus ag optamú aimsiú lucht féachana
- Cruinneas i scríobh na Gaeilge agus an Bhéarla.
- Cumas cóipscríbhneoireachta atá tarraingteach agus a thagann le glór TG4 ar na hardáin shóisialta.
- Scileanna idirphearsanra agus cumarsáide.
- Tuiscint ar treoirlínte comhlíonta.
- Dearcadh dearfach, solúbtha agus a bheith in ann obair a dhéanamh faoi bhrú.
- Scileanna eagrúcháin agus pleanála agus in ann treoir a thabhairt.
- Taithí ag obair tras rannóige agus le páirtithe seachtaracha.
- Solúbtha maidir le amanta oibre – ó am go chéile bíonn obair deireadh seachtaine nó obair las muigh de ghnáth uaireanta oibre.
- Is í an Ghaeilge teanga oibre TG4 agus mar sin tá sé riachtanach go mbeadh Gaeilge den scoth ag an té a cheapfar, idir labhairt agus scríobh na teanga.
Is é 4pm Déardaoin 23ú Deireadh Fómhair 2025 an dáta deiridh a nglacfar le hiarratais. Seol d’iarratas mar aon le litir iarratais chuig cv@tg4.ie.
Eolas Breise don Iarratasóir
Grád an Phoist:
Grád 4
Uaireanta Oibre:
39 uair sa tseachtain. Mar gheall ar riachtanais an phoist agus an earnáil teilifíse, táthar ag súil go mbeifeá solúbtha ó am go ham, lena n-áirítear a bheith sásta oibriú, nuair atá gá leis, lasmuigh d’uaireanta oifige, ag an deireadh seachtaine agus ar laethanta saoire bainc.
Laethanta Saoire:
Chomh maith leis na laethanta saoire bainc reachtúla, beidh tú i dteideal 23 lá de shaoire íoctha in aghaidh na bliana.
Pinsean:
Tá baill foirne TG4 i dteideal dul isteach i nGrúpscéim Pinsin TG4 faoi réir théarmaí aon scéime atá ann cheana.
Taisteal:
Tá seans go mbeidh taisteal in Éirinn i gceist ó am go chéile mar chuid den ról.
Buntáistí eile a bhaineann le bheith ag obair i TG4:
| · Deiseanna Oiliúna agus Forbartha
· Saoire Staidéir agus Scrúduithe · Pinsean Ranníocach · An Clár Cúnaimh d’Fhostaithe · An Scéim um Rothaíocht chun na hOibre |
Riarthóir Cumarsáide / Preasa
Conradh Buan
Fáilteoidh TG4 roimh iarratais ar an bpost Riarthóir Cumarsáide/ Preasa ar bhonn buan. Beidh an té a cheapfar lonnaithe i gCeannáras TG4 i nGaeltacht na Gaillimhe agus freagrach don Bhainisteoir Cumarsáide.
Fostóir comhionannais deiseanna é TG4 agus déantar iarratais incháilithe a mheas gan beann ar inscne, gnéaschlaonadh, aois, taithí shóisialta, cine agus eitneacht, éagumas, stádas sibhialta an teaghlaigh, creideamh ná ballraíocht den Lucht Siúil. Tá meon dearfach ag TG4 i leith na hÉagsúlachta. Fáilteoidh muid roimh iarratais ó dhaoine a bhfuil cúlraí éagsúla acu.
An Ról
Beidh ról lárnach ag an té a ceapfar ag tacú le hobair Rannóg Cumarsáide TG4, ag déanamh poiblíochta agus ag mealladh lucht féachana chuig ábhar TG4. Is ról é seo do dhuine atá paiseanta faoi eolas maidir le hábhar cláir agus branda TG4 a scaipeadh i measc an phobail.
I measc na gcúraimí a bheidh i gceist, gan bheith teoranta dóibh, beidh;
- Eolas cumarsáide agus ábhar poiblíochta a bhailiú agus a chur in oiriúint
- Eolas poiblíochta a scaipeadh ar Preas, ar ardáin dhigiteacha TG4, ar thionchairí, ar na meáin agus eile.
- Ábhar a scríobh, a cheartú, a aistriú agus a phrofáil
- Cúnamh a thabhairt ócáidí agus feachtais chumarsáide a eagrú
- Cúnamh a thabhairt don fhoireann cumarsáide preasráitis a scríobh agus a eisiúint
- Cúnamh a thabhairt na bunachair sonraí a choinneáil cothrom le dáta
- Ábhar agus eolas a roinnt leis na meáin
- Aon fhreagrachtaí réasúnta eile a mheasann an Bainisteoir nó Stiúrthóir na Rannóige bunaithe ar riachtanais an ghnó.
Nithe atá riachtanach don phost seo:
- Is í an Ghaeilge teanga oibre TG4 agus mar sin tá sé riachtanach go mbeadh Gaeilge den scoth ag an té a cheapfar, idir labhairt agus scríobh na teanga.
- Ardscileanna cumarsáide agus taithí ar bheith ag plé leis an bpobal
- Fócas dearfach agus cumas maith foirne
- Sárthuiscint ar chumas na meán sóisialta agus na n-ardán digiteach agus an fheidhm atá leo i gcomhthéacs preasa & poiblíochta
- Taithí mhaith ar chúrsaí riaracháin agus ríomhaireachta (ard-tuiscint ar Excel, MS Office agus ábalta córais nua a fhoghlaim go tapa).
- Taithí ar Chóipscríbhneoireacht agus ar Cheannlínte a scríobh – i nGaeilge agus i mBéarla
- Taithí ar phreasráitis a scríobh
- Taithí mhaith ar obair thaighde a dhéanamh agus teagmhálacha a aimsiú
- Taithí ar bheith ag obair le formáidí éagsúla ó thaobh íomhánna de.
- Ábalta feidhmiú go muiníneach éifeachtach as do stuaim féin i dtimpeallacht spreagúil.
4pm Dé hAoine an 24 Deireadh Fómhair 2025 an dáta deiridh a nglacfar le hiarratais. Seol d’iarratas mar aon le litir iarratais chuig cv@tg4.ie.
Tá polasaí oibre solúbtha i bhfeidhm i TG4.
Eolas Breise don Iarratasóir
Grád an Phoist:
Grád 5
Uaireanta Oibre:
39 uair sa tseachtain. Mar gheall ar riachtanais an phoist agus earnáil na teilifíse, táthar ag súil go mbeifí solúbtha ó am go ham, lena n-áirítear a bheith sásta oibriú, nuair a bheadh gá leis, lasmuigh d’uaireanta oifige, ag an deireadh seachtaine agus ar laethanta saoire bainc.
Laethanta Saoire:
Chomh maith leis na laethanta saoire bainc reachtúla, beidh tú i dteideal 23 lá de shaoire íoctha in aghaidh na bliana.
Pinsean:
Tá baill foirne TG4 i dteideal dul isteach i nGrúpscéim Pinsin TG4 faoi réir théarmaí aon scéime atá ann cheana.
Taisteal:
D’fhéadfadh taisteal in Éirinn a bheith i gceist ó am go chéile mar chuid den ról seo.
Buntáistí eile a bhaineann le bheith ag obair i TG4:
| · Deiseanna Oiliúna agus Forbartha
· Saoire Staidéir agus Scrúduithe · Pinsean Ranníocach · An Clár Cúnaimh d’Fhostaithe · An Scéim um Rothaíocht chun na hOibre |