Preas

39 Imreoir as Éirinn le feiceáil i gclúdach AFLW ar TG4

Aussie Rules na mBan ar TG4 ón Satharn an 16 Lúnasa

07.08.25

^{Grace Kelly, Kayleigh Cronin, Amy Boyle-Carr agus Niamh Kelly – Adelaide Crows}
 
Tá áthas ar TG4 a fhógairt go mbeidh Aussie Rules na mBan ag filleadh ar an stáisiún agus go gcuirfear clúdach seachtainiúil de shéasúr 2025 den Australian Football League Women’s (AFLW) ar fáil arís do lucht féachana na hÉireann. Gealltar go mbeidh séasúr 2025 ar an gceann is corraithí fós, le 39 imreoir as Éirinn páirteach i mbliana ann.

I measc na n-imreoirí sin tá Orla O’Dwyer ó Thiobraid Árann atá ag imirt thall ó 2022 chomh maith le himreoirí nua mar Kayleigh Cronin, a bhuaigh Laoch na hImeartha do Chiarraí i gCluiche Ceannais na hÉireann anuraidh. Tá liosta iomlán de na himreoirí le fáil thíos.

Tosóidh séasúr 2025 Dé hAoine an 16 Lúnasa, agus beidh na foirne go léir ag iarraidh áit a dheimhniú sa Chluiche Ceannais a bheidh ar siúl Dé hAoine an 29 Samhain. Craolfar dhá chluiche iarbheo gach deireadh seachtaine mar chuid de Aussie Rules na mBan ar TG4, chomh maith le buaicphointí seachtainiúla gach Luan ag 8.00pm mar chuid den chlár GAA 2025.

Cuirfear tús leis an gcraoladh ag 5.15pm Dé Sathairn an 16 Lúnasa nuair a thabharfaidh Geelong Cats aghaidh ar na Kangaroos.

Beidh Port Adelaide le Fremantle ansin ag 5.15pm Dé Domhnaigh an 17 Lúnasa.

Beidh gach cluiche le fáil ar TG4 agus ar TG4.ie.

Beifear ábalta an t-aicsean ar fad a leanúint ar @SportTG4 ar na meáin shóisialta lena n-áirítear buaicphointí, agallaimh agus ábhar eisiach eile i rith an tséasúir.
 
Imreoirí as Éirinn