Preas

Craobhchomórtas Idirchúige Rugbaí na mBan ar chainéal YouTube Spórt TG4

06.08.25

^{Ava Ryder (Connachta), Maeve Óg O’Leary (Mumha), Orla Nagle (Vodafone), Tony O’Beirne (IRFU), Molly Boyne (Laighin) & Maebh Clenaghan (Ulaidh)}
 

 
Is cúis áthais do TG4 a fhógairt go gcraolfar Craobhchomórtas Idirchúige Rugbaí na mBan Vodafone beo agus saor in aisce ar chainéal YouTube Spórt TG4 ceithre deireadh seachtaine as a chéile i mí Lúnasa.

Tosóidh an clúdach ar bhabhta a haon Dé Sathairn an 10 Lúnasa, agus leanfaidh sé gach deireadh seachtaine, ag críochnú leis na Cluichí Ceannais beo ó Pháirc Energia Dé Sathairn an 30 Lúnasa. Craolfar gach cluiche ceann i ndiaidh a chéile mar chuid de shraith Rugbaí Beo TG4.

Is iad na Laighnigh atá i réim faoi láthair, tar éis dóibh an teideal a bhuachan in 2024 agus 2023 in aghaidh na Mumhan, a bhuaigh an chraobh in 2022 agus 2021. Táthar ag súil go gcuirfidh comórtas 2025 mí eile de rugbaí den scoth na mban ar fáil mar go mbeidh cuid de na himreoirí is fearr sa tír páirteach.
 

Ag seoladh oifigiúil an chomórtais i gCampas Spórt Éireann, bhuail Spórt TG4 le himreoirí ó gach Cúige:

• Molly Boyne (Laighin)
• Maeve Óg O’Leary (Mumha)
• Ava Ryder (Connachta)
• Maebh Clenaghan (Ulaidh)

Tá agallaimh eisiacha agus ábhar speisialta leis na himreoirí le fáil anois ar chainéal YouTube Spórt TG4.
 
Craobhchomórtas Idirchúige Rugbaí na mBan Vodafone

BABHTA 1 – Dé Sathairn, 10 Lúnasa

• Laighin v Ulaidh, Páirc Energia, 2.30pm
• Mumha v Connachta, Páirc Virgin Media, 4.15pm

BABHTA 2 – Dé Sathairn, 16 Lúnasa

• Laighin v Mumha, Páirc Energia, 2.30pm
• Connachta v Ulaidh, Staid Dexcom, 4.15pm

BABHTA 3 – Dé Sathairn, 23 Lúnasa

• Connachta v Laighin, Staid Dexcom, 2.30pm
• Ulaidh v Mumha, Staid Affidea, 4.15pm

CLUICHÍ CEANNAIS – Dé Sathairn, 30 Lúnasa (Páirc Energia)

• Cluiche 3ú/4ú háit
• Cluiche Ceannais na Craoibhe

Beidh gach cluiche le craoladh beo ar chainéal YouTube Spórt TG4.

Lean Spórt TG4 ar na meáin shóisialta chun buaicphointí, agallaimh agus ábhar eisiach a fheiceáil.