TG4 | Gradam Comaoine | Gradam Ceoil TG4 2020 | Gradam Ceoil TG4 | Brandaí Eile | Irish Television Channel, Súil Eile Skip to main content
< ar ais go TG4.ie

Gradam Ceoil TG4

Ned Kelly – Gradam Comaoine

Biog

Boscadóir agus feirmeoir déiríochta as Baile Chuimín, Aonach Urmhumhan i gCo. Thiobrad Árann é Ned Kelly. D’fhoghlaim sé a chuid ceoil ag éisteacht le leithéidí Phaddy O’Brien, an boscadóir agus an cumadóir cáiliúil as an gceantar céanna. Thug Ned leis craobh na hÉireann ar an mbosca ceoil sinsir i 1992 agus tá an ceol traidisiúnta á chur chun cinn aige ó shin i measc an aos óg agus freisin coinníonn sé ceol breá traidisiúnta leis na ba nuair a bhí sé á mbleán!

Is de bharr a chuid oibre ag tabhairt an traidisiún don chéad ghlúin eile a roghnaíodh Ned chun an Gradam Comaoine a fháil i mbliana. Tá blianta fada caite ag Ned ag múineadh ceoil sna scoileanna agus taobh amuigh de na scoileanna I dTiobraid Árann. ach ní hé amháin sin ach tugann sé na páistí le chéile i ngrúpaí ceoil agus i mbannaí ceoil agus tá coirmeacha ceoil déanta acu chun tacaíochta a thabhairt do charthanachta éagsúla. Chuir Ned an chéad cheann de na coirmeacha sin ar stáitse I 2005 faoin teideal “Seize the Moment” chun airgead a bhailiú do Oispís Thiobrad Árann Thuaidh, tar éis bás a mháthair fhéin leis an ailse.

Chuir sé dhá choirm eile ar siúl chun tacú le carthanachta atá ag díriú ag dhaoine óga a chuireann láimh ina mbás fhéin tar éis dhó a bheith ag éisteacht le Dónal Walsh as Trá Lí ag caint faoin mbás agus an iarracht a bhí á dhéanamh aige fhéin fanacht beo. Chuir Ned agus a chairde an chéad cheann de na coirmeacha sin ar stáitse I Mí na Samhna 2014 i UL I Luimneach agus ceann eile san INEC i gCill Áirne I Mí na Samhna 2015. Bhí ós cionn 400 ceoltóir, damhsóir agus amhránaithe páirteach sna coirmeacha seo, agus ba ceoltóirí óga a bhí faoi stiúir Ned go leor acu siúd agus iad ag casadh san “In Tune for Life Orchestra”. Tá go leor den obair chleachta agus múineadh don cheolfhoireann seo á dhéanamh go deonach ag Ned agus is éacht an méid atá bainte amach aige ag cur an ceol traidisiúnta chun cinn imeasc an aos óg ina bhealach deas socair ciúin fhéin.