Skip to main content
< ar ais go TG4.ie

Gradam Ceoil TG4

Dolores Keane – Gradam Saoil

Athfhriotal

Is amhránaí traidisiúnta í Dolores Keane a bhí ar dhuine de na baill a bhí ag De Dannan i dtús ré an ghrúpa. Thóg a haintíní Rita agus Sarah Keane i Saighleán í, baile bheag i gContae na Gaillimhe, agus b’amhránaithe cáiliúla ar an sean-nós iad beirt. Tá Keane ag gabháil fhoinn ó bhí sí ina cailín óg a bhuíochas sin do thionchar a haintíní agus thosaigh sí ag canadh go gairmiúil in 1975 le De Danann. Chuaigh sí ar camchuairt go hidirnáisiúnta leis an ngrúpa ag deireadh na 1970idí agus chan ar chéad albam an ghrúpa a eisíodh in 1975, a bhfuil an t-ainm céanna air leis an ngrúpa, sular fhág sí chun tabhairt faoina gairm aisti féin. Thaifead sí a céad albam There Was a Maid in 1978 agus ina dhiaidh sin Broken Hearted I’ll Wander (1979) agus Farewell to Éirinn (1980). Chaith sí seal eile le De Dannan agus thaifead na halbaim Anthem (1985) agus Ballroom (1987).

Sa bhliain 1991, ghlac sí páirt i gclár teilifíse RTÉ/BBC Bringing It All Back Home inar chan sí in Nashville, Tennessee, le Emmylou Harris agus Richard Thompson. Is í Keane duine de na hamhránaithe mná a thug faoin gcomhshaothar A Woman’s Heart (1992), agus bhí i measc Eleanor McEvoy, Mary Black, Frances Black, Sharon Shannon agus Maura O’Connell. Ba í Keane a chas amhráin amhail ‘Caledonia’ agus ‘The Island’ ar an albam a bhí ar an gceirnín is fearr díolta in Éirinn riamh ag an am. D’eisigh an grúpa an dara albam, A Woman’s Heart Vol. 2 sa bhliain 1994. D’eisigh sí a halbam aonair deiridh, Night Owl, sa bhliain 1998 agus tá camchuairteanna déanta ó shin aici ar fud an domhain, ina haonar agus le De Dannan.