Junior Eurovision | Clár Ceol | Comórtas Ceol | Eoghan McDermott Skip to main content
Menu

Junior Eurovision

     

Táthar sa tóir ar amhránaí agus ar amhrán
na hÉireann do Chomórtas Amhránaíochta
Junior Eurovision na bliana seo sa tSeoirsia.

Junior Eurovision

Táthar sa tóir ar amhránaí agus ar amhrán na hÉireann do Chomórtas Amhránaíochta Junior Eurovision na bliana seo sa tSeoirsia.

Zena Donnelly as Baile Átha Cliath ionadaí na hÉireann anuraidh nuair a chan sí ar stáitse i bpríomhchathair Mhálta, Valletta, os comhair slua beo de 5,000 duine, agus lucht féachana teilifíse i 17 dtír ar fud na hEorpa. Ach cé a dhéanfaidh ionadaíocht ar Éirinn i mbliana?

Tar éis éisteachtaí fairsinge a reáchtáil ar fud na tíre, tá an 32 amhránaí is fearr roghnaithe le dul ar aghaidh chuig na babhtaí teilifíse. Idir 9-14 bliana d’aois atá na hamhránaithe go léir.
I gcaitheamh 5 seachtaine, rachaidh na 32 sár-amhránaithe seo in iomaíocht lena chéile ar TG4, iad ar fad ag súil páirt a ghlacadh thar ceann na hÉireann i gComórtas Amhránaíochta Junior Eurovision 2017.
Beidh siad ag canadh do na moltóirí – Bláthnaid Treacy, Fiachna Ó Braonáin agus na aoi-mholtóirí Jedward, Brendan Murray, Dustin, Niamh Kavanagh, Brian Kennedy agus Linda Martin.

Ní hamháin go mbeidh an painéal sa tóir ar an amhránaí is fearr chun ionadaíocht a dhéanamh ar an tír ach beidh siad ag tóraíocht an amhráin is fearr. Casfaidh gach iomaitheoir amhrán a chum siad féin i nGaeilge sa chomórtas náisiúnta teilifíse seo.

Coinneoidh an láithreoir Eoin McDermott súil ar imeachtaí agus beidh jab deacair ag an bpainéal moltóirí buaiteoir a roghnú.

Cé a bheidh ann? 8pm, Dé Domhnaigh an 22ú Deireadh Fómhair ar TG4 a thosóidh an tóraíocht.

Físeáin ar Fáil