Junior Eurovision 2017 | Cláir | TG4 | Súil Eile Skip to main content

Junior Eurovision 2017

     

Táthar sa tóir ar amhránaí agus ar amhrán na hÉireann don Chomórtas Amhránaíochta Junior Eurovision 2017.

Junior Eurovision

Táthar sa tóir ar amhránaí agus ar amhrán na hÉireann don Chomórtas Amhránaíochta Junior Eurovision 2017.

In 2016, ba í Zena Donnelly as an gCarraig Dhubh i gCo. Bhaile Átha Cliath a sheas d’Éirinn ar an stáitse Eorpach i Valetta, Málta. Sa deichiú háit a tháinig Zena sa deireadh lena hamhrán “Bríce ar Bhríce”. Ba í Mariam Mamadashvili as an tSeoirsia a thug an chraobh léi ar an oíche, an triú huair ag an tSeoirsia an comórtas a bhuachan.

Ba é sin an dara huair riamh ag Éirinn páirt a ghlacadh sa Junior Eurovision. In 2015 tháinig Aimee Banks as Maigh Cuilinn, Co. na Gaillimhe sa dara háit déag leis an amhrán “Réalta na Mara” i Sofia na Bulgáire.

2017

Anois, tá sé in am amhrán agus amhránaí nua a aimsiú, le hionadaíocht a dhéanamh ar Éirinn i mí na Samhna na bliana seo os comhair na milliún san Eoraip.

Beidh 2 bhabhta éisteachtaí ann sula rachaidh plúr na n-amhránaithe óga chun catha ar an tsraith teilifíse ar TG4. Ón tsraith sin, roghnófar amhránaí nó grúpa amháin chun ionadaíocht a dhéanamh ar Éirinn ag Comórtas Amhránaíochta an Junior Eurovision.

Féadfaidh leanaí a bheidh idir 9 mbliana agus 14 bliana d’aois an 19ú Samhain 2017 cur isteach ar na héisteachtaí. Is féidir le hamhránaithe aonair nó grúpaí de sheisear ar a mhéad iarratas a dhéanamh.

Mí Feabhra

Sa chéad bhabhta éisteachtaí, iarrfar ar iarrthóirí dhá amhrán, dá rogha féin, a rá. Ní mór dóibh díol 2 nóiméad de gach amhrán a rá. Canfaidh siad gan aon tionlacan ceoil ná fuaimrian taca, i.e., a cappella. Tionólfar na héisteachtaí ar fud na tíre ag deireadh mhí Feabhra.

Roghnófar na hamhránaithe/na grúpaí is fearr ón gcéad bhabhta éisteachtaí. Tabharfar roinnt seachtainí dóibh amhrán Gaeilge a scríobh iad féin. Caithfidh baint a bheith ag na hamhránaithe/na grúpaí leis an bpróiseas scríbhneoireachta amhrán, ach beidh cead acu cúnamh a fháil a gcuid amhrán a scríobh agus ceol a chur leo.

An Dara Babhta

An t-amhrán sin a chanfaidh na hamhránaithe/na grúpaí sa dara babhta éisteachtaí. Roghnófar an 32 iomaitheoir is fearr ón éisteacht sin don tsraith roghnúcháin a chraolfar beo ar an teilifís.

Canfaidh an 32 iomaitheoir is fearr do phainéal moltóirí sa chéad 4 chlár ar an teilifís. Ón ochtar amhránaithe a ghlacfaidh páirt i ngach seó, ní rachaidh ach duine amháin ar aghaidh chuig an seó cinniúnach (Eipeasóid 5).

Seó # 5

I seó 5, rachaidh an ceathrar a bheidh fanta san iomaíocht le háit a bhaint amach i gcomórtas Junior Eurovision na bliana seo.


Iarratais

Rachfar i dteagmháil le gach iarratasóir agus socrófar éisteacht dóibh ag an ionad éisteachtaí is gaire dóibh. Lena chinntiú go bhfaighidh tú áit sna héisteachtaí, déan iarratas faoin 15ú Feabhra 2017.

Tá an babhta de na hiarratais dúnta anois.


Ádh Mór!

Físeáin ar Fáil