Junior Eurovision Éire | Amhránaíocht | Comórtas Amhránaíocht | JESC | TG4 Skip to main content
Menu

Junior Eurovision

Táimid ANOIS ag lorg iarratas do
CHOMÓRTAS AMHRÁNAÍOCHTA JUNIOR EUROVISION 2019.
Meas tú an tusa an chéad bhuaiteoir eile?

Déan Iarratas Anseo

Junior Eurovision

Táimid ANOIS ag lorg iarratas do CHOMÓRTAS AMHRÁNAÍOCHTA JUNIOR EUROVISION 2019. Meas tú an tusa an chéad bhuaiteoir eile?
 
Deis den chéad scoth a bheadh anseo ionadaíocht a dhéanamh ar Éirinn ag an Junior Eurovision agus amhrán a chasadh os comhair na milliúin lucht féachana. Má tá tusa idir 9-14 bliana d’aois an 24/11/19 d’fhéadfadh tú a bheith san iomaíocht sa Pholainn i mí na Samhna 2019.
Ba í Aimee Banks an chéad bhuaiteoir do TG4 in 2015 a chuir drithlíní ar chuile dhuine sa mBulgáir lena hamhrán Gaeilge Réalta Mara.
Zena Donnelly a bhuaigh in 2016 agus a d’ardaigh an cloigeann ar an staid i Málta lena hamhrán Bríce ar Bhríce.
Bhuaigh Muireann McDonnell in 2017 agus chuir chuile dhuine sa tSeoirsia faoi gheasa lena guth agus a hamhrán Súile Glasa.
Cé a dhéanfaidh an beart in 2019 agus a chasfaidh os comhair na milliún? Meas tú an tusa a bheidh ann? Deis den chéad scoth é seo do ghuth agus do chuid ceoil a chur os comhair na milliún ar fud na hEorpa agus tú i láthair thar ceann na hÉireann.
Chlárlaigh anois roimh an dáta deiridh a nglacfar le hiarratais an 10/07/2019
 
 
 
Rialacha
Téarmaí agus Coinníollacha:
– Ní mór d’iarratasóirí a bheith idir 9-14 bliana d’aois an 24/11/2019
– Tá amhránaithe aonair agus grúpaí de suas le seisear incháilithe.
– Trí iarratas a dhéanamh, aontaíonn tú gur féidir linn (Adare Productions) an fhaisnéis a chuirtear ar fáil a roinnt le TG4
– Coinneoidh Adare Productions foirmeacha iarratais. Coinneofar an fhaisnéis seo slán agus de réir na reachtaíochta Cosanta Sonraí infheidhme.
– Forchoimeádaimid an ceart tabhairt faoi sheiceálacha cúlra chun an fhaisnéis a chuirtear ar fáil ar d’iarratas a dheimhniú.
– Ní mór d’iontrálaithe a bheith ina gcónaí in Éirinn nó a bheith ina Náisiúnach d’Éirinn.
– Beidh cead tuismitheora ag teastáil chun páirt a ghlacadh. Ní mór d’Athair nó do Mháthair an fhoirm iarratais seo a líonadh.
(Sa chás go roghnófaí tú chun casadh i seó stiúideo de chuid TG4, beidh síniú beirt tuismitheoirí ag teastáil chun an t-iarratas seo a chur chun cinn. Níos déanaí sa phróiseas a bheadh sin i gceist.)
Chun tuilleadh eolais a fháil, glaoigh ar an uimhir 01-2843877

Físeáin ar Fáil