Preas
Tabharfar léargas ar shaol an imreora iomráitigh rugbaí, Anthony 'Axel' Foley, i clár TG4
10.08.20
Axel – Munster’s Heineken Cup Journey
TG4 Dé hAoine an 14 Lúnasa 10:15pm
Tá ríméad ar TG4 a fhógairt go dtaispeánfar ‘Axel – Munster’s Heineken Cup Journey’ den chéad uair ar an teilifís Dé hAoine an 14 Lúnasa ag 10:15pm. Rinneadh an clár seo a léiriú ar dtús nuair a d’éirigh Anthony as an imirt in 2008. Déanfar cur síos sa chlár seo ar mar a chuidigh Axel le foireann na Mumhan tionchar ollmhór a bheith aici ar an rugbaí ar fud an domhain agus fanacht dílis do na croíluachanna a bhí aige – dílseacht, naimhdeas agus mórtas – ag an am céanna.
Bhí clú agus cáil ar mhuintir Anthony ‘Axel’ Foley roimhe mar gheall ar an rugbaí. Léirigh a athair Brendan gach rud a bhí dian agus ionraic faoin mbranda speisialta rugbaí sin a bhain go díreach lena chathair dúchais Luimneach. Bhí an t-ádh ar Axel gur éirigh leis an tuiscint ghrinn sin a bhí ag a athair ar chúrsaí rugbaí a thabhairt leis. Bhí ardmheas ag glúin de lucht tacaíochta agus imreoirí Rugbaí na Mumhan ar Axel a raibh tréithe aige a theastaigh uathu a bheith acu féin. Ní raibh a leithéid de ghairm imeartha ag aon imreoir eile agus is mar gheall ar na tréithe sin a bhí aige – ionracas, croí agus diongbháilteacht – é sin.
Sa chlár seo ‘Axel’ caithfidh Anthony súil siar ar an ngairm cheannródaíoch a bhí aige le foireann na Mumhan agus ar na laethanta ba mhó a bhí ag an bhfoireann sin i bPáirc Thuamhan agus thar lear. I measc na ndaoine a thabharfaidh ómós do Axel agus a dhéanfaidh cur síos chomh maith ar na laethanta maithe agus go deimhin ar na drochlaethanta a bhí aige le linn a ghairme spóirt beidh:
| Declan Kidney | Alan Gaffney |
| Paul O’Connell | Ronan O’Gara |
| Mick Galwey | Peter Clohessey |
| John Kelly | Alan Quinlan |
| Marcus Horan | Jerry Flannery |
| Barry Murphy | Ian Dowling |
| Dutchy Holland | John O’Neill |
| Pat Murray | Keith Wood |
Is éard a bhí le rá ag Kieran Hartigan (Stiúrthóir) [The Brave & The Faithful (2006) / The West’s Awake(2012)] faoin gclár a bheith á thaispeáint den chéad uair ar an teilifís “Deirtear nár cheart duit casadh le do chuid laochra. Ach níorbh fhíor sin ar chor ar bith faoi Anthony Foley, fear a raibh saol róghearr aige. Tá mé mórtasach gur léiriú é an clár faisnéise seo ar an saol imeartha eisceachtúil a bhí ag Anthony agus ar chomh tábhachtach is a bhí a chlann dó”.
Teagmháil do na Meáin:
Linda Ní Ghríofa, Eagarthóir Cumarsáide TG4 | linda.ni.ghriofa@tg4.ie