Preas

TG4 ag Obair i bPáirt le EIT Cultúr & Cruthaitheacht Chun an Nuálaíocht a Bhaineann Leis na Meáin Eorpacha a Chur i bhFeidhm

04.09.26

 
Cuirfidh an craoltóir seirbhíse poiblí Gaeilge saineolas faoin tionscal, na dúshláin réalaíocha chomh maith le timpeallacht léiriúcháin ar leith ar fáil d’éiceachóras closamhairc EIT Cultúr & Cruthaitheacht, éiceachóras atá ag fás.
 

Tá an craoltóir seirbhíse poiblí Gaeilge TG4 ag obair i bpáirt anois le EIT Cultúr & Cruthaitheacht mar Chomhpháirtí Comhoibrithe, chun saineolas agus peirspictíochtaí an chraoltóra bunaithe ar a thaithí phraiticiúil ar an tionscal a chur ar fáil do líonra nuálaíochta is mó na Eorpa do na tionscail chultúir agus chruthaitheachta. Le tacaíocht ón Institiúid Eorpach um Nuálaíocht agus Teicneolaíocht (EIT), comhlacht de chuid an Aontais Eorpaigh, oibríonn EIT Cultúr & Cruthaitheacht chun an nuálaíocht a spreagadh ar fud earnálacha cultúir agus cruthaitheachta na hEorpa.
 
Cruthóidh an comhoibriú ceangal idir TG4 agus éiceachóras Eorpach EIT Cultúr & Cruthaitheacht ina bhfuil gnólachtaí nuathionscanta, taighdeoirí, oideachasóirí, craoltóirí agus comhpháirtithe eile ón tionscal, agus cruthóidh sé deiseanna chun cur chuige nua a fhiosrú agus a thástáil mar a bhaineann le dul i ngleic le cuid de na deacrachtaí a bhíonn ag na meáin seirbhíse poiblí agus ag an tionscal closamhairc i gcoitinne.
 
Agus craoltóirí ag freagairt do na hathruithe atá ag tarlú go tapa maidir leis an teicneolaíocht, iompar an lucht féachana, léiriú agus an dáileadh, beidh deis acu, ó tharla go mbeidh siad páirteach sa phróiseas nuálaíochta, an bhearna a dhúnadh idir smaointe a bhfuil gealladh fúthu agus réitigh a oibríonn sna fíorthimpeallachtaí léirithe agus oibríochtúla.
 
Cuirfidh TG4 a peirspictíocht shainiúil féin ar fáil mar chuid den phróiseas sin. Agus é ina chraoltóir seirbhíse poiblí Gaeilge a bhíonn ag obair go dlúth le pobal léiriúcháin neamhspleách na hÉireann, oibríonn sé i gcomhthéacsanna cultúir, eagarthóireachta, inrochtaineachta agus léiriúcháin atá in ann timpeallachtaí luachmhara a chruthú ionas go bhféadfar staidéar a dhéanamh ar an gcaoi a n-oibríonn teicneolaíochtaí nua agus cuir chuige nua i mbun oibre.
 
Dúirt Anette Schaefer, Príomhfheidhmeannach EIT Cultúr & Cruthaitheacht: “Cuirimid fáilte roimh TG4 agus leagaimid béim ar an tábhacht a bhaineann le craoltóirí a bheith páirteach go díreach in éiceachóras nuálaíochta na hEorpa. Téamaí féideartha don ráiteas seo: na fíor-riachtanais atá ag an tionscal a thabhairt isteach sa nuálaíocht; bealaí a aimsiú don tástáil agus don ghlacadh; agus an luach a bhaineann le dearcadh TG4 maidir leis an tseirbhís phoiblí, le mionteanga agus leis an léiriúchán neamhspleách.”
 
Tacóidh an comhoibriú le huaillmhianta TG4 mar a bhaineann sé leis an nuálaíocht, inbhuanaitheacht agus acmhainn na hearnála, chomh maith lena chur ar a gcumas an taithí agus na tosaíochtaí atá aige a chur in iúl agus a áireamh sa phlé níos leithne a bheidh ar siúl san Eoraip faoi thodhchaí na meán closamhairc.
 
Trí rannpháirtíocht TG4, cuirfear dearcadh ó thaobh mionteangacha agus seirbhís phoiblí ar fáil maidir le gníomhaíochtaí closamhairc EIT Cultúr & Cruthaitheacht, rud a chabhróidh lena chinntiú go mbíonn an nuálaíocht á forbairt agus a meas sa réimse éagsúil de thimpeallachtaí meán atá san Eoraip.
 
Bhí an méid seo le rá ag Trevor Ó Clochartaigh, Stiúrthóir Nuálaíochta, Inbhuanaitheachta agus Acmhainneachta Earnála, TG4: “Trí bheith ag gcomhpháirtíocht le EIT Cultúr & Cruthaitheacht, táthar ag cloí go díreach le straitéis nua TG4 agus lenár bhfócas ar nuálaíocht, inbhuanaitheacht agus acmhainn a fhorbairt ar fud na hearnála. Tugann sé ardán luachmhar dúinn san Eoraip chun saineolas a roinnt, smaointe nua a thástáil agus nuálaíocht a iompú isteach ina réitigh phraiticiúla a rachaidh chun tairbhe dár lucht féachana, dár gcomhpháirtithe léiriúcháin agus don earnáil i gcoitinne.”
 
Tá Ó Clochartaigh ina chomhchathaoirleach freisin ar Choiste Aontas Craolacháin na hEorpa (EBU), agus beidh sé ag roinnt a thaithí ar na tosaíochtaí mar a bhaineann le scileanna, eagrúchán agus nuálaíocht a bhfuiltear ag tabhairt aghaidh orthu ar fud na meán seirbhíse poiblí san Eoraip.
 
Beidh an comhoibriú á fhógairt roimh IBC2026 in Amstardam, áit a mbeidh EIT Cultúr & Cruthaitheacht ag tabhairt nuálaithe Eorpacha agus páirtithe leasmhara na hearnála ó gach cearn den earnáil closamhairc le chéile. Is féidir le cuairteoirí chuig IBC2026 bualadh le hionadaithe ó EIT Cultúr & Cruthaitheacht agus ó TG4 chun tuilleadh a fháil amach faoin gcomhoibriú agus faoi na deiseanna comhoibrithe.